Tre initiativrike jenter har gjennom eitt år følgt Friidrettsforbunde si Ung Leiar program.  Inger Margrethe Sørland, Silje Kristin Moldestad (begge frå Breimsbygda) og Kristiane Rygg frå Hyen har fått ei omfattande og god leiarutdanning, og fått gode erfaringar med seg i bagasjen.

Sist sommar var ein del av opplæringa at dei skulle arrangere t.d. friidrettsskule for born.  Såleis vart det friidrettsskule både på Byrkjelo, og Sandane.  Dette vil dei også prøve å få til i sommar.

Til ordninga er det også knytta lokale mentorar, der Dagfinn Nyhammer har vore mentor for breimsjentene, medan Nils Ove Roset har vore støttespelar for Kristiane.  Dagfinn reiser med til Trondheim. Han skal også vere instruktør under dommarkurs under same seminaret. Norsk friidrett har kompetansehelg samstundes med Ung leiar seminaret. Alt foregår i Ranheimshallen.

I helga skal jentene delta på siste samlinga i Trondheim.  Dette er ei tre-dagarssamling, der dei skal innom fleire tema.  Kristiane har valt Trenar II-kurs, medan Inger Margrethe og Silje har valt speakerkurs.

Det er flott at vi har ungdommar i kommunen som tek slik kompetanseheving, og vi trur at friidretten skal få mykje glede av det dei bidreg med. Det er også viktig at idrettslaga gjev dei meiningsfulle oppgåver, slik at dei også kan utvikle seg vidare.

Friidretten i Gloppen er som vanleg i fokus - ivrig etter utvikling !

Sjå elles meir om Ung:leder her:  http://www.friidrett.no/ungleder/Sider/Velkommen.aspx

Sist veke er vel den beste vi har hatt på lenge når det gjeld oppmøte. Toppdagen vart torsdagsøkta i Firdahallen med 26 utøvarar på teknisk trening. 6 trenarar handterte alle på ein glimrande måte. Når så fredag morgon med basis klokka 0700 fekk 10 utøvarar på plass må vi vere særs nøgde. Ein fotballspelar, 2 handballspelarar og 7 friidrettsutøvarar. Pluss trenaren sjølvsagt. No vil vel kanskje mange hevde at 10 utøvarar klokka 0700 er svært dårleg oppmøte. Det vil vi på det sterkaste motstride. Vi har dreve på i snart 2 år med dette og Gloppen har ikkje noko stort marked for slikt. Dette er ein viktig del av opplæringa til å lære seg å bli topputøvar. Då må det trenast to økter for dag ofte. Første økt må då bli før skulen.  Difor er 10 stk svært bra og skikkeleg kjekt for oss som er primus motor i opplegget. Flott. Men der er berre jenter som møter. Kva kan det ha seg !?. Alle får påsmurte baguetter og drikke servert etter trening så servicen er god. No er det slik at dei som går på idrettslina har mulighet til å trene heile føremiddagane og gjerne også på ettermiddagane slik at vi ikkje kan forvente at dei stiller kl 0700 dersom dei har same treninga 0830 eller 1230 for den del. Vi ynskjer fleire på denne treninga uansett. Alle er hjertelig velkomne. Ein treng ikkje vere eller ynskje å bli topputøvar. Det er nok å ynskje å bli i betre form. Treninga tilpassar ein sjølv. Øvingane er like for alle og intensiteten styrer kvar og ein. Kort og godt er vi ute etter eit større treningsmiljø klokka 0700 fredagsmorgonane.